D’Anceinza ha giu liug a Cuera igl emprem Cup grischun da ballapei dallas junioras FF15. Quei termin ei vegnius fixaus sapientivamein sin il di dils finals dil Cup grischun dallas dunnas e dils umens ed ha duiu promover il ballapei da dunnas e junioras en nies cantun. Separticipai ein cun mintgamai duas equipas Cuera, Tusaun/Cazas ed il team Surselva.
Suenter in avonmiezdi intensiv cun tschun giugs per equipa ha il team dallas junioras dalla Surselva conquistau la victoria ed igl emprem tetel sco campiunessas grischunas dil Cup grischun FF15.
Grond interess per ballapeiPer promover il ballapei da dunnas en Surselva han las trenadras ed ils trenaders dallas duas equipas dallas dunnas e junioras organisau in trenament communabel a Tavansa Mutteins venderdis vargau. Separticipadas al trenament ein varga 40 giugaduras cun grond engaschi ed entusiassem che fa curascha e plascher pigl avegnir. Suenter il trenament han tut las presentas ed ils presents gudiu ina sera da buna cumpignia.
Ester Vonplon