Il musicist Ivo Orlik , alias Giganto, edescha in mini-album ed ina platta da vinil cun il titel «Berlin&Retour». Il nov album cumpara venderdi. Quai communitgescha il musicist. Quest project saja naschì en stretga collavuraziun cun il musicist engiadinais Jan Pinggera da Scuol che viva a Berlin. Il num «Berlin&Retour» represchentia il viadi creativ: da l’inspiraziun e la creaziun da las chanzuns a Berlin fin il return en la patria, nua che las chanzuns sajan idas en la producziun finala. Las chanzuns sajan naschidas senza squitsch commerzial e reflecteschian in mix musical da la cultura discurrida rumantscha e da la musica urbana electronica da Berlin. Il sound saja experimental, liber e nunconvenziunal – e giaja uschia bain a prà cun la figura artistica da Giganto e la vita colurada da la chapitala tudestga.
Il mix final ed il mastering da l’album èn vegnids fatgs a Cuira da Lou Geniuz, e ra la creaziun visuala dals artists Christian Ritz e Stefanie Maurer . L’idea, las skizzas, ils texts e la direcziun dal project en stads en ils mauns da Giganto. (cdm/fmr)