Tgei fagein nus
Finamiras ed incumbensas
Qualitad da viver ed integraziun
Ina lavur da giuventetgna activa renconuscha ils giavischs e basegns dils giuvenils e s’engascha per quels. Cheutras s’augmenta la qualitad da viver dils giuvenils (ed era dils carschi). Els sesentan bein e pri serius.
Las persunas dil fatg dalla lavur da giuventetgna ein per la communitad ina punt e mediatur denter vischnauncas, generaziuns, culturas e schlatteinas. Els prestan lavur da stender la reit denter giuvenils e la societad e promovan cheutras l’integraziun dils giuvenils en nossa cuminonza.
Participaziun
La lavur da giuventetgna surpren entras la promoziun da participaziun in pensum central enteifer la formaziun democratica da giuvenils. L’enconuschientscha ed igl emprender process participativs duront il temps da giuventetgna ein indispensabels per ina participaziun activa ella communitad.
Entras sustener igl engaschi dils giuvenils crescha in grond nez social per l’entira populaziun. Per exempel giuvenils che s’engaschan duront lur giuventetgna s’engaschan era pli tard sco carschi en nossa cuminonza, seigi quei en uniuns, uffecis etc.
Rapports annuals
» Rapport annual 2021
» Rapport annual 2020
» Rapport annual 2019 (pdf)
» Rapport annual 2018 (pdf)
» Rapport annual 2017 (pdf)
» Rapport annual 2016 (pdf)
» Rapport annual 2015 (pdf)
» Rapport annual 2014 (pdf)
» Rapport annual 2013 (pdf)
» Rapport annual 2012 (pdf)
» Rapport annual 2011 (pdf)
» Rapport annual 2010 (pdf)
Principis dalla lavur da giuventetgna
Aviartadad
La lavur aviarta da giuventetgna Cadi ei surconfessiunala, politicamein neutrala, aviarta per las differentas situaziuns dalla veta, pil stil da viver e per las circumstanzas da viver dils giuvenils. Ella porscha perquei in vast e multifar program quei che pertucca metoda da luvrar e gruppas d’interess.
Sin basa voluntaria
Tut las purschidas dalla lavur da giuventetgna aviarta ein purschidas voluntarias che han liug duront il temps liber. Quei principi sustegn grondamein il decider sur sesez da carstgauns giuvens ed ei ina premissa per la participaziun.
Participaziun
Quei principi descriva la fuorma da lavur e co ir entuorn culs giuvenils. El pren en mira la participaziun, igl agir e decider communabel. Ei va per adina puspei marcadar ils cuntetgns e las purschidas dalla lavur da giuventetgna aviarta cun ils participonts. Medemamein era per concretisar e verificar quels.
Orientaziun da viver el spazi social e mundial
La lavur da giuventetgna aviarta sedrezza als basegns, allas situaziuns dalla veta ed allas circumstanzas da viver publicas. Punct da partenza dalla lavur fuorman ils munds da viver e las relaziuns socialas quei che pertucca ils loghens. Aschia ei la lavur sociala aviarta buca activa sulettamein en in liug, mobein agescha era els loghens nua ch’ils giuvenils setegnan si. L’orientaziun da viver mundiala fuorma cheu il principi fundamental dil patratg e dall’acziun. Ils loghens ein ils uaffens concepziunals e metodics.
Protecziun da datas
Fotografias da giuvenils e giuvens carschi, duront projects ed occurrenzas, vegnan publicadas cun lur consentiment.
Responsabels*as e delegai*adas per la promoziun da sandadad e prevenziun en vischnaunca
» gliesta
Lavur da giuventetgna el Grischun
Stan actual el Grischun
Ils 14 da fevrer 2005 ei l’uniun “Dachverband Jugendarbeit Graubünden” vegnida fundada. Cun quell’uniun duei la lavur da giuventetgna vegnir rinforzada. Cul num “jugend.gr” ha l’uniun survegniu in num pregnant. La finamira dall’uniun tetgala era da crear e metter en funcziun in post professional per la lavur da giuventetgna el cantun Grischun. Jugend.gr ei in post da consultaziun per vischnauncas, organisaziuns e persunas privatas per damondas en connex cun la lavur da giuventetgna. Da present han ca. 60 da 104 vischnauncas in post da lavur da giuventetgna cun promoturas/promoturs da giuventetgna ni ch’ellas separticipeschan ad in’instituziun purtadra communala ni regiunala. Ulteriuras vischnauncas sefatschentan pil mument cun erreger ina purschida da lavur da giuventetgna ni ch’ellas possedan ina fuorma da voluntaris da lavur gratuita da giuventetgna (uniuns, uniuns da giuventetgna).
