Politica generala en mauns giuvens: 5. Parlament da mattas 2025
Ils 13 da november 2025 ha lieu en la sala dal Cussegl grond a Cuira il 5. parlament grischun da mattas. 90 scolaras e scolars dal stgalim superiur da tut il chantun cumenzan a lavurar parlamentaricamain. Ellas ed els discutan, elavuran propostas, debatteschan e delibereschan petiziuns ch’ellas e ch’els surdattan la fin dal di al president da la Regenza Marcus Caduff. Sustegnidas da commembras e commembers dal cussegl grond e sut la direcziun da la presidenta dal cussegl grond Valérie Favre Accola elavuran las participantas en gruppas petiziuns davart quatter temas: “Generaziun gidar a concepir” – co e nua che uffants e giuvenils pon far valair lur basegns; “Varietad linguistica en il Grischun” – vias per rinforzar la plurilinguitad; “Sanadad psichica” – sustegn e prevenziun da grevezzas; “Consum: fair statt fast” – co che products persistents vegnan accessibels als giuvenils.
Il parlament da mattas promova l’interess politic, rinforza la confidenza en sasez ed animescha las dunnas giuvnas d’acceptar lur vusch e da surpigliar pli tard sezzas responsabladad politica. Quai è in pass impurtant per dapli egualitad en la politica e preschientscha feminina en posiziuns da cader e process da decisiun.
La debatta en il plenum dal suentermezdi vegn translatada en moda simultana e po vegnir persequitada a partir da las 13.45 uras davent da la tribuna d’aspectaturs.
Dapli infurmaziuns ed annunzias tochen ils 30 da settember 2025 sut